بلاك بيري 2012 , مـوضـوع خـآص لـلـي يـبـي يـخـرب ويـهـلـك جـهـآزهـ ( شـرح بـآلـصـور )
السلام عليكم ورحمة الله وبركاته
اخواني واخواتي اعضاء وعضوات منتدانا الوقور
اسعد الله اوقاتكم بالخير والمسرات
اخواني واخواتي الاعزاء :
اليوم جايبلكم موضوع بيختلف كليا عن اي موضوع سابق قد طرحته بهالمنتدى الوقور
وموضوعي اليوم هو فقط بيخص فـئـة معينة من مستخدمي البلاك بيري
اغلب مواضيعي السابقة بتكون عن طريق تحذيرات ونصائح
ولكن موضوع اليوم فقط بيخص للناس اللي تبي تشوه اجهزتها واللي تبي تخرب شكلية الجهاز
يعني بالمختصر المفيد : الموضوع هذا ماراح يفيد بـ شئ للناس المحافظة على اجهزتها
لانو هالموضوع فقط للناس اللي (تبي تخرب وتبي تشوه اجهزتها)
كثرت بالفترة الاخيرة عن شريحة معينة من المستخدمين لاجهزة البلاك بيري هو تغيير شكل الجهاز بالكامل !!!
يعني تغيير المنظر العام للجهاز بالوان صارخه جدا والوان غريبة جدا جدا !!
مثل هذه الصورة :
وايضا هذه الصورة :
الناس بتغير بشكل اجهزتها فقط للمناظر ولكن للاسف ماهم داريين مابعد المناظر هذه ايش ممكن بيصير لاجهزتهم !!
بس شايلين هم المناظر وماهم داريين بانهم بيخربو ( مـيـكـآنـيـكـيـة ) الجهاز الداخلي !!!
اخواني واخواتي الاعزاء :
هل تدرون بانو هذه الكيبوردات الملونة هي اساسا مصنوعه من الوان الكلور الضارة جدا !!
شوفو شكل ولون الكيبوردات الملونه اعلاه , وشوفو الصورتين التالية للكيبوردات ( آلأصلية ) الاسود والابيض في الصور التالية :
هذه صورتين للونين مختلفين للكيبورد الاصلي الوكالة ،
ركزو وشوفو كيف شكل الكيبورد ولونه وكيف شكل الكيبورد ولونه في الكيبوردات الملونة اعلاه !!!
انا هنا ما اتكلم عن الذوق العام ، انا هنا اتكلم عن اضرار الاجهزة اللي
بتصير مع الكيبوردات الملونة ومنها وبسببها يتم بعد فترة وجيزة عطل في
(الــبــورد آلــدآخــلــي) في الجهاز وهو مكانه اسفل الكيبورد مباشرة !!!
ووقتها راح تدفعو دم قلبكم فيه مراكز الصيانة !!
وهذا كلو بسبب كيبورد مايتجاوز سعره الـ خمسه ريالات فقط !!!
بصراحة : شئ مؤسف بالحقيقة انو بسبب خمسة ريالات اخسر مايقارب اكثر من 150
الى 200 ريال تقريبا لصيانة وتصليح البورد الداخلي بسبب كيبورد سيئ جدا جدا
!!
ودام اني فتحت وجابت طاري سعر الكيبورد ، ترى فيه محلات هم بيتعمدو ويغيرو
شكل الاجهزة بالكامل بالالوان اعلاه ويبيعوها بسعر خورافي وكبير جدا !!
مثلا البيبي بولد المطور قيمته مستعمل بـ 800 ريال ، يجي صاحب المحل ويفك
الاغطية والكيبورد الاصلي حق الجهاز ويحط مكانه هذه الاغطيه الملونة مع
الكيبورد الملون مثل الصورة التالية :
شايفين كيف اشكالها سيئة جدا !!
وبعد مايتم تركيبها بيصير الجهاز زي كذة طبعا :
وبعدها يتم عرض الجهاز بسعر اغلى واعلى بما يقل من 800 بسعره الطبيعي الى 1000 او 1100 ريال !!
وهذا طبعا بيصير تحت شعار (بلاك بيري بـ لون مميز) !!
وللاسف فيه ناس تصدق انو هالالوان وهالاشكال كلها قطع اصلية !!!!!
ياناس ياخلق ياعالم يابشر ياهوووووو ترى هالاشكال بالاغطية والالوان
والكيبوردات مااااااافي منها اصلي ابدا مافي منها اصلي لا يضحكون عليكم
اصحاب المحلات ويقولولكم هذه اصلية درجة اولى او درجة ثانية يعني يسمونه
اصحاب المحلات بـ (أصلي سوق) !!!!
قد شفتو ولو لمرة بالغلط بس بالغلط شركة بلاك بيري اعلنت عن اجهزة بهالالوان !!!!!
تدرون وش المضحك و المبكي بالموضوع !!
انو لو واحد فيكم قرر شتري هالاغطية والكيبورد الملون عشان يحطه بجهازه
بيروح وبيشتريهم بـ 50 ريال + اجرة المهندس اللي بيغيرها وماتقل عن (20 الى
30 ريال تقريبا ) !!
بينما اصحاب المحلات بيجيبوها باسعار جملة وماتكلفهم اكثر من 10 ريال الغطا والكيبورد مع بعض !!
وهو بنفسه يفكفك الجهاز ويغيره ويرفع سعر الجهاز الى 150 او 200 ريال تحت شعار انو لون مميز !!!
آلــحــل :
الا والا تبون تغيرون من شكل اجهزتكم ؟
تبون تصيرو مميزين باجهزتكم ؟
ماهي مشكلة : فيه استيكرات تنباع وهي استيكرات عادية جدا وماتضر بالجهاز
بشي وهذه الاستيكرات انتو حتى تقدرو تلصقوها وبأي وقت تقدرو تشيلوها
وتغيروها
مثل هالصورتين :
شايفين كيف ؟
على الاقل حتى مثلا اليوم حطيتو استيكر وبعد فترة تقدرو تغيرو بلون ثاني وشكل اخر
ولكن الاغطية والكيبوردات الملونة فيحتاج انكم لون كل فترة بـ تفكفكو الجهاز بكل مرة عز الله ماعينتو خير !!!
آلــخــلآصــة :
تحمدو الله على العافية وعلى نعمة العقل ولا تلعبو باجهزتكم وتهلكوها
باياديكم , فلوسكم ماهي حرام عشان ترموها بـ هيك اشغال وبـ هيك اشكال !!
وكبرو عقولكم ولا يضحكون عليكم اصحاب المحلات تحت شعار (بلاك بيري بـ لون وشكل مميز) !!
وبالاخير بجي واقولكم حكمة :
( يــآمـــدور آلــشــر تـــرى آلــعــآفــيــة مــوجــودة )
واسف جدا للاطالة
وحياكم الله
البوابة 
السبت فبراير 24, 2018 3:33 pm من طرف malak alhallak
